Իմ սիրելի սպորտը ֆուտբոլն է։ Ֆուտբոլը ինձ դուր է գալիս, որովհետև այս խաղում կա արագություն, լարվածություն ու անսպասելի պահեր։ Երբ թիմը մի լավ փոխանցում է անում կամ գոլ է խփում, խաղը դառնում է ավելի հետաքրքիր ու զգացմունքներով լի։
Ես հաճախ ֆուտբոլ եմ խաղում ընկերներիս հետ։ Դաշտ դուրս գալուց զգում եմ, թե ինչպես եմ լցվում ուժով ու լավ տրամադրությամբ։ Ֆուտբոլը սովորեցնում է միասին աշխատել, վստահել թիմակիցներին և չվախենալ դժվարություններից։ Հաղթանակները ուրախացնում են, իսկ պարտությունները օգնում են ավելի լավ խաղալ հաջորդ անգամ։
Ֆուտբոլ դիտել նույնպես շատ եմ սիրում։ Իմ սիրելի թիմը «Ռեալ Մադրիդն» է։ Նրանց խաղը միշտ գեղեցիկ և դիտարժան է, ու ես մշտապես ոգևորվում եմ, երբ նրանք հաղթում են։
Ֆուտբոլը իմ կյանքի կարևոր մասերից մեկն է։ Այն ինձ տալիս է ուժ, ուրախություն ու շարժվելու մեծ ցանկություն։ Ես վստահ եմ, որ ֆուտբոլը միշտ կմնա այն սպորտը, որը ինձ ամենաշատը կոգեշնչի։
Դավիթ Սարգսյան 